Eunteung Katineung

layung koneng namperkeun katineung
duriat geus mangsana manjangan, jungjunan
nyangsaya nyarandekeun hate
teu wasa, ngelemeng kasaput simpe
ngagerihan, muntang hariwang
didieu pisan, cihujan nyangkaruk dina lamunan
naha imutna bet teu raat-raat
rumingkang mawa napak tilas
mangsa dua rasa ngagalura
pirang-pirang kalangkangna
miripis mungkas tembang girimis
gulinggasahan, cuang cieung ngarasa keueung
nedunan katresna, ngagugulung kasono
kamemelangan…
layung koneng namperkeun katresna
namper wening jadi eunteung katineung
aya duriat nu manjangan, jungjunan
beueus rasa ku kumelip kiceup kaasih nu lawas
mugia manjang, mugia salawasna aya dina ridho Gusti

Ciromed, 01 maret 2009
Ditulis oleh Mifka
inspired by Mien Ardiwinata

Sumber:
http://manuskripkesunyian.wordpress.com/

Komentar

pensiun kaya mengatakan…
salam kang..
kamana wae tos lami teu posting?
pami bade mampir di blog abdi, ieu alamatna: http://mangamsi.blogspot.com/
diantos nya

Postingan Populer